Disa orë pas fillimit të sulmit në Ukrainë, trupat ruse hynë në rajonin e Kievit. Aty raportohet për luftime të ashpra nga ushtria ukrainase. Banorët e kryeqytetit janë urdhëruar të strehohen në strehimoret ajrore.
Banorët largohen nga Kievi
Ligji i luftës ka hyrë në fuqi në të gjithë Ukrainën që nga ora 5:30 e mëngjesit, tani për tani për 30 ditë. Sipas të dhënave të veta, Rusia sulmoi shumë pozicione të ushtrisë ukrainase. Një zëdhënës i Ministrisë së Mbrojtjes në Moskë tha, sipas agjencisë Interfax, se 74 objekte ishin nxjerrë jashtë luftimit. Midis tyre, njëmbëdhjetë aerodrome, tre poste komanduese dhe një bazë detare. Së fundmi, edhe presidenti ukrainas Selenski konfirmoi se një aeroport ushtarak pranë Kievit ishte pushtuar nga Rusia. Verifikimi i mëtejshëm i pavarur i këtyre deklaratave aktualisht nuk është i mundur.



