E mërkurë, 18 nëntor 2026

Rubrikat

Mbështet Limit.al

SPAÇI: LUGINA E QËNDRESËS

Hungaria kishte revoltën e 1956, Gjermania Lindore ka revoltën e 1953, Çekosllovakia pati pranverën e saj më 1968. Po Shqipëria? Konferenca e 1956 nuk ka lidhje me revoltën, liritë qytetare dhe as disidencën. Ishte “çështje familjare”. 1946 një revoltë lokale në Postribë? Më 1947 pushkatimi i disa deputetëve kritikë. Gjatë viteve 1947-1950 rezistenca simbolike me mbështetje nga jashtë?

Shqipëria nuk pati lëvizje disidente dhe as qytetare, pranoi regjimin me të gjithë fatalitetin dhe brutalitetin e tij dhe se në dallim nga vendet e tjera, çdo zë kritik përfundoi përpara togës së pushkatimit me dhe pa gjyq. Simbolika e protestës?

Mbetet unike revolta e të burgosurve politikë në Spaç 1973. Unike për nga mesazhi politik dhe simbolika politike.

Më 25 maj ka përvjetorin. Duhet ta kujtojmë. Në 28 vite nuk kemi bërë pothuajse asgjë për memorien historike.

Në Spaç më shumë rëndësi i kemi kushtuar koncesionit të nëntokës nga një firme turke sesa ruajtjes së kampit / burgut dhe shndërrimit të tij në vend pelegrinazhi dhe memorie ndaj të kaluarës. E ka një të tillë çdo vend ish komunist, por jo Shqipëria. Ne kemi shtëpi muze banesën e Enverit por jo burgjet dhe kampet brutale politike të tij.

Instituti i Studimeve Politike (ISP) me modesti ka realizuar një faqe dedikuar revoltës së Spaçit, – me elementë të animuar dhe ilustrime mbi kronologjinë, ngjarjen, burgun dhe pasojat. Harxhoni 3 minuta ta shikoni dhe 2 minuta të na jepni çdo sugjerim apo ndihmë për përmirësimin ose plotësimin e tij.

Klikoni në http://luginaeqendreses.al/

dhe ne video https://www.youtube.com/watch?v=8ejKUwQnP8A

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet