E mërkurë, 18 nëntor 2026

Rubrikat

Mbështet Limit.al

Sipas shtypit serb: Kosova merr Preshevën dhe një pjesë të Bujanocit

Nga Sevdail Hyseni

Boshko Obradoviç

Siç bënë të ditur portali “Bujanovaçke”,  negociatat e fshehta midis Beogradit dhe Prishtinës për përkufizimin e kufijve dhe njohjen e pavarësisë së Kosovës, janë në fazën përfundojnë, tha kryetari i Lëvizjes “Dveri”, Boshko Obradoviç, për gazetarët nga Çaçaku i Serbisë.

“Përkufizimi i kufijve është dakorduar. Serbisë i mbetet Leposaviqi, kurse Kosovës i jepet Presheva, deri në një kilometër në afërsi të autostradës dhe plus një pjesë e Bujanocit. Vetëm akoma nuk është arritur marrëveshja rreth Kopaonikut dhe Gazivodës. Arsyeja e vetme për ardhjen e Makronit në Serbi është se korrigjimi i kufijve të përfundojë, ngase Franca mori përsipër  nga BE-ja për ta përfunduar atë”, u shpreh Obradoviq, në një konferencë shtypi në Çaçak.

Obradovq, sipas deklaratës së publikuar në faqen e Lëvizjes “Dveri”, ka paralajmëruar publikun se autoritetet serbe janë aktualisht në fazën përfundimtare të një marrëveshjeje me “separatistët” në Prishtinë dhe se kokat kryesore për këtë përkufizim kufijsh janë Vuçiq, Thaçi dhe Makron, anëtar i Parlamentit Europian Arno Danzhani, lobistë në mesin e diplomatëve francezë.

Ai, shtoi se Danzhani  është një mik i Thaçit, i cili e mbrojti atë nga Dick Marty me akuza për trafikim të organeve. Ai, gjithashtu, ka qenë një i dërguar special në vitin 2004 në misionin e Havier Solana, si dhe një faktor i rëndësishëm në zbatimin e Marrëveshjes së Dejtonit të 1995, si dhe Marrëveshjen e Rambujesë si një ekspert në Ministrinë e Mbrojtjes në 1999, thuhet në faqen zyrtare të Lëvizjes “Dveri”.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet