E mërkurë, 18 nëntor 2026

Rubrikat

Mbështet Limit.al

Shefi i OKB-së me mesazh shprese për Vitin e Ri

Sekretari i Përgjithshëm i Kombeve të Bashkuara, Antonio Guterres, shpërndau një mesazh shprese dhe shërimi për vitin e ri, për qindra miliona njerëz në gjithë botën, jeta e të cilëve është rrënuar nga pandemia e COVID-19 në vitin 2020.

Sekretari Guterres nuk e fshehu trishtimin e për vështirësitë e krijuara nga kjo pandemi, e cila, thotë ai, ka rrënuar jetën e miliona njerëzve, duke e zhytur botën në vuajtje dhe pikëllim.

Ai e përshkruan vitin 2020 si një vit sprovash, tragjedish dhe lotësh, një vit që vazhdon të shkretojë dhe të shkaktojë viktima të reja ndërsa COVID-19 po zgjerohet. Pandemia, tha ai, ka rritur në shkallë të reja varfërinë, pabarazinë dhe urinë.

“Por viti i ri ndodhet para nesh”, tha ai. “Me të, ne shohim rrezet e shpresës: njerëzit që u japin një dorë ndihme fqinjëve dhe të huajve. Punëtorët e vijës së parë duke dhënë gjithçka. Shkencëtarët që zhvillojnë vaksina në kohë rekord. Vendet që marrin angazhime të reja për të parandaluar katastrofën klimatike”.

Zoti Guterres tha se ndryshimi i klimës dhe pandemia janë kriza që nuk kapërcehen lehtë. Duhet punë e madhe, sipas tij, përkushtim dhe mbi të gjitha një gatishmëri e të gjithë njerëzve për të punuar së bashku për të njëjtin qëllim.

“Nëse punojmë të bashkuar dhe me solidaritet, rrezet e shpresës mund të shtrohen në gjithë botën. Ky është mësimi i këtij viti të vështirë. Së bashku, le të bëjmë paqe mes nesh dhe me natyrën, të trajtojmë krizën e klimës, të ndalojmë përhapjen e COVID-19 dhe ta bëjmë vitin 2021 një vit shërimi”.

Zoti Guterres tha se viti 2021 mund të jetë një vit i tejkalimit të ndarjeve që u përkeqësuan nga infeksioni vdekjeprurës dhe ekonomitë e rrënuara, nëse njerëzit punojnë së bashku. Ai tha se përkushtimi më i mirë për vitin 2021 është shërimi i planetit.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet