E mërkurë, 18 nëntor 2026

Rubrikat

Mbështet Limit.al

SHBA dhe Kosova synojnë intensifikimin e marrëdhënieve tregtare mes tyre

Ministri i Zhvillimit Ekonomik i Kosovës, Valdrin Lluka, po qëndron në Shtetet e Bashkuara të Amerikës, ku u takua me zëvendësin e ndihmëssekretarit të shtetit amerikan, Mathew Palmer.

Në një komunikatë të lëshuar nga Ministria e Zhvillimit Ekonomik thuhet se dy zyrtarët diskutuan për proceset ekonomike në Kosovë dhe për investimet amerikane, ndërsa “u rikonfirmua gatishmëria dhe nevoja e intensifikimit të marrëdhënieve tregtare” midis dy vendeve.

“Gjatë takimit, ministri Lluka e ka informuar zotin Palmer rreth politikave ekonomike, të cilat i ka ndërmarrë Qeveria e Kosovës, si dhe për projektet madhore në vend”, thuhet në komunikatë.

Palmer, në anën tjetër, thuhet se ka shprehur gatishmërinë e SHBA-së për ndërtimin dhe forcimin e marëdhënieve me vendet e Ballkanit Përendimor, si dhe mbështetje për procesin e integrimit të Kosovës në strukturat euro-atlantike.

Ditë më parë, Palmer i bëri thirrje Prishtinës dhe Beogradit që të ulen në tryezë dhe të negociojnë marrëveshjen më të mirë që munden për normalizimin e marrëdhënieve.

Normalizimi i raporteve është kusht për të dyja vendet që të përparojnë drejt integrimit euro-atlantik.

Dialogu mes palëve aktualisht është i pezulluar, për shkak të një takse që u ka vënë Kosova prodhimeve të importuara nga Serbia.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet