E mërkurë, 18 nëntor 2026

Rubrikat

Mbështet Limit.al

SHBA, BE, Britania vënë sanksione ndaj Presidentit Putin dhe Ministrit të Jashtëm Lavrov

Shtetet e Bashkuara, Bashkimi Evropian dhe Britania njoftuan të premten se do të bllokonin pasuritë e Presidentit Vladimir Putin dhe Ministrit të Jashtëm Sergei Lavrov, në një akt të paprecedentë për të detyruar zotin Putin të ndërpresë sulmin ndaj Ukrainës.

Zëdhënësja e Shtëpisë së Bardhë Jen Psaki la të kuptohet se sanksionet amerikane nënkuptojnë edhe ndalimin e udhëtimit të tyre në Shtetet e Bashkuara.

Ministri i Jashtëm i Austrisë Alexander Schallenberg tha se masat janë një “hap unik në histori ndaj një fuqie bërthamore dhe ndaj një vendi që është anëtar i përhershëm i Këshillit të Sigurimit, por ato tregojnë sa të bashkuar jemi”.

Nuk është e qartë se çfarë ndikimi konkret do të kenë sanksionet ndaj tyre dhe çfarë pasurish mund të kenë në Evropë.

Ministrat e jashtëm evropianë thanë se sanksione të tjera janë mundshme, përfshirë përjashtimin e Rusisë nga sistemi global i pagesave ndërbankare SWIFT.

Në një masë tjetër ndëshkimore, Këshilli i Evropës, organizata kryesore evropiane për të drejtat e njeriut, e pezulloi Rusinë, por organizata prej 47 anëtarësh shtoi se Rusia vazhdon të jetë anëtare dhe duhet të respektojë konventat ndërkombëtare të të drejtave të njeriut.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet