Zëvendëskryeministri i Italisë dhe ministri i Brendshëm Matteo Salvini hodhi poshtë pohimet për rënien e qeverisë dhe zgjedhje të jashtëzakonshme, dhe tha se dëshiron që qeveria të kryejë mandatin e plotë.
Investitorët kanë frikë se konfliktet mes dy partive në pushtet, Ligën e krahut të djathtë të Salvinit dhe Lëvizjen Pesë Yje mund të rezultojnë në rënien e qeverisë, transmeton Reuters.
Thuhet se dy partitë kryesore në koalicionin qeverisës u përleshën javën e kaluar pas hapjes së një hetimi mbi këshilltarin ekonomik të Salvinit, Armand Siri.



