E mërkurë, 18 nëntor 2026

Rubrikat

Mbështet Limit.al

“Reuters”: Fati i negociatave BE-Shqipëri në dorë të Macron

Edhe pse është Holanda më e zëshme në kundërshtimin që po tregon për hapjen e negociatave të Shqipërisë me Bashkimin Evropian, agjencia ndërkombëtare e lajmeve, Reuters thekson se çdo gjë është në dorë të Emmanuel Macron, president i Francës.

Një diplomat i BE-së ka thënë se varet nga Franca nëse Shqipërisë do i hapen negociatat këtë muaj. Të tjerë mendojnë se Parisi mund të shtojë kushte të tjera përveç 9 kushteve gjermane, si një kompromis për të dhënë dritën jeshile.

“Duke lënë pjesën për Maqedoninë e Veriut të pandryshuar (hapje negociatash), (drafti i deklaratës së ministrave të BE) nuk jep datë për konferencën e parë ndërqeveritare me Shqipërinë, por propozon një listë me shumë reforma që Tirana duhet të realizojë përpara se ky takim të realizohet”, shkruan Gabriela Baczynska për Reuters, duke iu referuar draftit të deklaratës që pritet të miratohet nga ministrat e BE-së në takimin e 15 tetorit.

Por Reuters thekson se nëse ministrat e BE-së nuk arrijnë një marrëveshje, kancelarja gjermane, Angela Merkel, mund të kërkojë ndihmë nga Macron, për të arritur kompromisin.

Sa i përket Maqedonisë së Veriut, shtetet e BE-së janë të gatshme të hapin negociatat dhe takimi i parë ndërqeveritar pritet të zhvillohet në fund të këtij viti.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet