E mërkurë, 18 nëntor 2026

Rubrikat

Mbështet Limit.al

Qyteti i Nju Jorkut do të kërkojë dëshmi të vaksinës në ambiente të brendshme

Qyteti i Nju Jorkut do të kërkojë dëshmi të vaksinimit kundër koronavirusit për të fituar qasje në aktivitete të brendshme, duke u bërë qyteti i parë i madh në Shtetet e Bashkuara që prezanton pasaportën e vaksinës.

Kërkesa e re, e bërë publike nga kryetari Bill de Blasio më 3 gusht, do të ndikojë në qasjen e njerëzve në ambiente të brendshme të restoranteve, kafiterive, apo edhe hyrjen në palestra.

“Mënyra e vetme për të fituar qasje në këto aktivitete brenda është nëse jeni të vaksinuar”, ka thënë de Blasio.

“Nëse jeni të vaksinuar.. keni çelësin për të hapur derën. Mirëpo nëse nuk jeni të vaksinuar, fatkeqësisht nuk do të mund të merrni pjesë në shumë gjëra”, ka thënë ai.

Kjo politikë do të zbatohet në disa faza në gusht dhe shtator.

Rreth 66 për qind e të rriturve në qytetin e Nju Jorkut janë të vaksinuar plotësisht.

Ky njoftim vjen derisa zyrtarët shëndetësorë në Shtetet e Bashkuara iu bëjnë thirrje njerëzve të vaksinohen dhe të vendosin sërish maskën në ambiente të brendshme, për shkak të përhapjes së variantit Delta të koronavirusit.

Florida është një qendër e shpërthimit të virusit në Shtetet e Bashkuara, pasi ky vend ka regjistruar 11,515 persona të shtrirë në spitale më 3 gusht.

Numri i pacientëve është rritur për 11 herë në krahasim me periudhën e mesit të qershorit.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet