E mërkurë, 18 nëntor 2026

Rubrikat

Mbështet Limit.al

Qeveria e Kosovës ndan 20 mijë euro për Katedralen e Notre Dame

Qeveria e Kosovës ka ndarë një shumë prej 20 mijë eurosh për renovimin e katedrales Notre Dame në Francë, e cila është përfshirë nga zjarri tri ditë më parë.

Gjatë mbledhjes së Qeverisë, Kryeministri i Kosovës, Ramush Haradinaj ka thënë se kjo shumë ka për qëllim shprehjen e solidaritetit dhe përkrahjes nga ana e Kosovës për rindërtimin e katedrales Notre Dame në Paris.

Haradinaj propozoi që këto mjete të ndahen nga kategoria e shpenzimeve rezervë. Këtë vendim ai e ka bërë të ditur edhe përmes një postimi në rrjetin social, Facebook.

Katedralja mesjetare Notre Dame, në zemër të Parisit, është përfshirë nga zjarri ditën e hënën mirëpo zjarrfikësit arritën të shpëtojnë strukturën kryesore të gurit të ndërtesës gotike, të vjetër 850 vjet, pavarësisht se maja dhe çatia u shembën.

Të mërkurën Qeveria e Shqipërisë ka ndarë 100 mijë euro për rindërtimin e Katedrales Notre Dame.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet