E mërkurë, 18 nëntor 2026

Rubrikat

Mbështet Limit.al

Presidenti i Kosovës, Hashim Thaçi: Vonesat e BE-së, thirrje për trazira të reja në Ballkan

Presidenti i Kosovës, Hashim Thaçi, tha se Bashkimi Evropian “po vonon dhe po gabon” në Ballkanin Perëndimor.

“Kjo vonesë është thirrje për trazira të reja në Ballkanin Perëndimor”, tha Thaçi, i cili mori pjesë në një konferencë kushtuar këtij rajoni, të organizuar nga instituti “Friends of Europe”, me seli në Bruksel.

Sipas Thaçit, hezitimi i BE-së për zgjerimin krijon vakuum në rajon, i cili do të shfrytëzohet nga elemente të tjera.

“Derisa Bashkimi Evropian vonon ndaj Ballkanit Perëndimor, ideologjitë joperëndimore kanë mundësinë të shpërthejnë në aspektin e sigurisë, politik dhe ekonomik”, tha Thaçi.

Situatën aktuale të marrëdhënieve midis BE-së dhe Ballkanit Perëndimor, Thaçi e vlerësoi si “sfiduese, të komplikuar dhe të rrezikshme”.

Ai shfaqi shpresën se viti i ardhshëm do të jetë vit i stabilizimit afatgjatë në Ballkanin Perëndimor.

Që kjo të arrihet, Thaçi tha se duhet të ndodhin tri gjëra: liberalizimi i vizave për Kosovën, hapja e negociatave të anëtarësimit me Maqedoninë e Veriut dhe Shqipërinë, si dhe arritja e një marrëveshjeje ligjërisht të obligueshme midis Kosovës dhe Serbisë, e cila do t’i normalizojë marrëdhëniet midis këtyre dy vendeve.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet