E mërkurë, 18 nëntor 2026

Rubrikat

Mbështet Limit.al

Pfizer: Vaksina efektive edhe tek fëmijët e moshës 5 deri në 11 vjeç

Marrë nga Associated Press

Kompania Pfizer njoftoi të hënën se vaksina e tij kundër COVID-19 është efektive edhe tek fëmijët e moshës 5 deri në 11 vjeç dhe se së shpejti do të kërkojë autorizim në Shtetet e Bashkuara për përdorimin e saj tek kjo grupmoshë. Një hap i tillë shihet si mjaft i rëndësishëm drejt fillimit të vaksinimit të fëmijëve.

Vaksina e prodhuar nga firma Pfizer dhe kompania gjermane partnere e saj BioNTech është tashmë në dispozicion për moshat mbi 12 vjeç. Por shumë prindër po presin me ankth vaksinimin e fëmijëve të tyre, tashmë që ata janë rikthyer në shkolla dhe në kushtet kur varianti tejet ngjitës i koronavirusit, Delta, po shkakton një kërcim të madh për infeksione tek fëmijët.

Për fëmijët në shkollë fillore, kompania Pfizer testoi një dozë shumë më të ulët, një të tretën e sasisë që përmbajnë dozat që jepen aktualisht. Pavarësisht kësaj, u vu re se pas dozës së dytë, fëmijët e moshës 5 deri në 11 vjeç, prodhuan nivele të tilla antitrupash që e luftojnë koronavirusin, po aq fort sa adoleshentët dhe të rriturit që marrin një dozë më të lartë.

Një zyrtar i lartë i kompanisë Pfizer, Dr. Bill Gruber, i tha agjencisë së lajmeve Associated Press se doza për fëmijët e vegjël rezultoi e sigurt dhe me efekte anësore të ngjashme, ose më pak, si dhimbje krahu, apo ethe, si tek adoleshentët.

Dr. Gruber tha se synohet që aplikimi për përdorim urgjent në këtë grupmoshë tek Administrata e Ushqimit dhe Barnave (FDA) të bëhet deri në fund të muajit, pasuar pak më vonë me aplikimin tek entet rregullatore evropiane e britanike.

Në fillim të këtij muaji, kreu i FDA-së, Dr Peter Marks i tha agjencisë së lajmeve Assoated Press se sapo Pfizer të dorëzojë rezultatet e studimit, agjencia do të shqyrtojë të dhënat “me shpresën që brenda disa javësh” të vendosë nëse vaksinat janë të sigurta dhe efektive edhe për fëmijët e vegjël.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet