E mërkurë, 18 nëntor 2026

Rubrikat

Mbështet Limit.al

Përfundon dërgesa e parë e sistemit raketor rus në Turqi

Zyrtarët turq thonë se largimi i Turqisë nga programi i furnizimit me aeroplanët ushtarakë amerikanë F-35, ende nuk është finalizuar.

“Ankaraja mbetet e pezulluar për momentin, dhe nuk është e qartë nëse Turqia do të rimbursohet për investimet e saja në këtë projekt”, kanë deklaruar zyrtarët turq, raporton Reuters.

Shtetet e Bashkuara, thanë javën e kaluar, se janë duke e larguar Turqinë nga programi i F-35, një masë që është paralajmëruar më herët, pasi Ankaraja filloi të pranonte dorëzimin e sistemit të avancuar të mbrojtjes raketore S-400 nga ana e Rusisë.

SHBA-ja e ka kundërshtuar blerjen e sistemit rus nga ana e Turqisë pasi ai, sipas zyrtarëve amerikanë, rrezikon sigurinë e aeroplanëve ushtarakë të SHBA-së.

Pas deklaratave amerikane, Rusia tha se ishte e gatshme të furnizonte Turqinë me aeroplanë ushtarakë SU-35.

Por, Ankaraja tha se nuk ka zhvilluar bisedime me Rusinë për këtë çështje.

Ndërkohë, dërgesa e parë e sistemeve të mbrojtjes ruse S-400 në Turqi ka përfunduar, dhe një dërgesë e dytë tani është duke u planifikuar për të arritur në Ankara, thanë zyrtarët ushtarakë turq.

Të enjten, Turqia tha se ishte ende e angazhuar në bisedimet me zyrtarët e SHBA-së, për të blerë sistemin e mbrojtjes Patriot, të cilën Uashingtoni e kishte ofruar si një alternativë ndaj S-400-s.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet