E mërkurë, 18 nëntor 2026

Rubrikat

Mbështet Limit.al

Palmer: Synimi im është rifillimi i bisedimeve Kosovë – Serbi

Përfaqësuesi i Posaçëm amerikan për Ballkanin Perëndimor, Mathew Palmer, i cili po merr pjesë në punimet e Forumit Strategjik të Bledit në Slloveni, ka theksuar se qëllimi i tij është t’i kthejë Kosovën dhe Serbinë “në tryezën e bisedimeve sa më shpejt që të jetë e mundur dhe të sigurojë një marrëveshje”.

Në një intervistë për mediet serbe ai citohet të ketë thënë se Shtetet e Bashkuara do të donin të shihnin “njohjen e ndërsjellë si pikën qendrore të marrëveshjes”, ndërmjet Kosovës dhe Serbisë.

Bisedimet janë pezulluar që nga nëntori i vitit të kaluar kur Prishtina u vuri tarifa prej 100 për qind mallrave serbe në shenjë kundërshtimi ndaj fushatës së Beogradit kundër shtetësisë së Kosovës.

Zoti Palmer thotë se angazhimi i Serbisë për tërheqjen e njohjeve të pavarësisë së Kosovës nxiti vendosjen e tarifave dhe ato u shndërruan në pengesë për përparimin e bisedimeve, meqë Beogradi i sheh si arsye që të mos kthehet në tryezën e bisedimeve.

“Kjo nuk ndihmon. Lobimi tek vendet e vogla që të tërheqin njohjet, mbase është një sukses taktik i Serbisë, por i kushton Beogradit në ruajtjen e interesit të tij për arritjen e një marrëveshjeje për normalizim. Shpresoj që të dyja palët do të kuptojnë interesin e tyre dhe do të arrijnë një marrëveshje”, citohet të ketë thënë ai.

Normalizimi i marrëdhënieve është kusht për të dyja vendet që të integrohen në Bashkimin Evropian, një aspiratë e rajonit të Ballkanit Perëndimor që përballet edhe me lodhjen e vendeve anëtare të bllokut nga zgjerimi.

Të hënën shefja në largim e politikës së jashtme të Bashkimit Evropian Federica Mogherini tha se është në interesin e vet bllokut që të përfshijë vendet e Ballkanit.

“Jam e bindur që nëse nuk e bëjmë këtë, do të pendohemi”, tha zonja Mogherini e cila ka ndërmjetësuar bisedimet ndërmjet Kosovës dhe Serbisë.

And #engagement shown w example – @FedericaMog: We have clear interest to bring #WesternBalkans in #EU. If we continue to engage, we will reap immense opportunities from unification of our continent: reconciliation, economic, social development, security. To benefit of all of us. pic.twitter.com/fnZtEWM6s0

— Maja Kocijančič (@MajaEUspox) September 2, 2019

Vazhdimi i këtyre bisedimeve mund të pritet pas zgjedhjeve të parakohshme në Kosovë, që mbahen më 6 tetor. Diplomatët shpresojnë që një qeveri e re të formohet shpejt pas këtyre zgjedhjeve dhe të rihapin bisedimet para se Serbia të hyjë në periudhën e zgjedhjeve që mbahen në pranverën e vitit të ardhshëm.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet