E mërkurë, 18 nëntor 2026

Rubrikat

Mbështet Limit.al

Orban akuzon BE-në për ‘hungarofobi’

Kryeministri hungarez, Viktor Orban, ka akuzuar Brukselin për “hungarofobi”, duke thënë se paragjykimet – në vend të shqetësimeve lidhur me korrupsionin – kanë vonuar marrëveshjen e fundit me BE-në lidhur me fondet e ngrira për Budapestin.

Komisioni Evropian kishte rekomanduar ngrirjen e fondeve në vlerë prej 13 miliardë eurosh, të dedikuara për Hungarinë, teksa kërkonte nga ky shtet të shtynte përpara reformat kundër korrupsionit.

Por, gjatë këtij muaji u arrit një kompromis, pasi BE-ja u pajtua të zvogëlonte shumën e fondeve të bllokuara për Budapestin, në këmbim të mbështetjes së Hungarisë për ndihmën financiare për Ukrainën dhe për taksën minimale globale.

“Ne ishim në gjendje të pajtoheshim me BE-në, ku ne treguam një performancë të shkëlqyer teksa luftuam kundër hungarofobisë në botën që dominohet nga liberalizmi”, tha Orban gjatë konferencës vjetore për media.

Kryeministri nacionalist i Hungarisë po ashtu tha se procesi i sundimit të ligjit në BE “është një gozhdë në arkivolin e bllokut”.

Më herët gjatë këtij muaji, Parlamenti Evropian u përfshi nga një skandal i korrupsionit, ku njëra prej nënpresidentëve u akuzua për përfshirje në një rast ryshfeti nga Katari, shteti nikoqir i Kupës së Botës në futboll.

Orban tha se reputacioni i PE-së – institucion që në shtator tha se Hungaria më nuk është “demokraci e plotë – tashmë është “joekzistent” në shtetin e tij.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet