E mërkurë, 18 nëntor 2026

Rubrikat

Mbështet Limit.al

Një korridor i ri ekonomik planifikohet të lidhë Turqinë me Gjirin përmes Irakut

Turqia, Irani dhe dy vende të Gjirit kanë nënshkruar një deklaratë për të forcuar lidhjet tregtare përmes një korridori të ri ekonomik në vlerë të miliardë dollarëve, për ndërtim të rrugëve dhe hekurudhave.

Përfaqësuesit e këtyre shteteve kanë nënshkruar një deklaratë për jetësim të këtij synimi përgjatë vizitës së presidentit turk, Recep Tayyip Erdogan të hënën në Irak, ka thënë zyra e kryeministrit irakian, Mohammed al-Sudani, të martën.

Ministrat prej Katarit dhe Emirateve të Bashkuara Arabe, e kanë nënshkruar, po ashtu, deklaratën.

Dy vendet e pasura të Gjirit janë mbështetëse potenciale të projektit, i cili besohet se do të kapë shifrën e 20 miliardë dollarëve.

Projekti njihet si “Rruga Zhvillimore”, apo “Kanali i thatë”.

Puna në të besohet të përfundohet më 2038, kur një rrjet rrugësh dhe hekurudhash të lidhin një port të ri në Basra, në jug të Irakut, me Turqinë në veri.

Prej atje, korridori pritet të zgjerohet deri te porti turk Mersin në Mesdhe, dhe përmes Stambollit në Evropë.

Erdogani e ka përshkruar projektin si ‘Rruga e re e Mëndafshtë’.

Porti i ri në Basra është duke u ndërtuar prej një kompanie jugkoreane, dhe pritet të jetë një prej më të mëdhave në Lindje të Mesme.

Irani shpreson që të shndërrojë këtë port në një qendër biznesi në mes të Azisë dhe Evropës.

Megjithatë, situata e brishtë e sigurisë në Irak, tensionet politike dhe korrupsioni i përhapur, kanë ngritur pikëpyetje nëse ky port dhe infrastruktura përcjellëse do të përfundohen në afatet e përcaktuara.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet