Kreu i ekzekutivit në një mbledhje të jashtëzakonshme mëngjesin e sotëm, ka folur mbi vendimet që qeveria do të marrë pas goditjeje së rëndë të tërmetit të 26 nëntorit për të mbijetuarit e kësaj tragjedia.
Edi Rama u shpreh se do të merren të gjitha masat për strehimin e të gjithë banorëve që pësuan humbje dhe shkatërrim të banesave, ndërsa bëri me dije se do të ketë një trajtim të posaçëm financiar për familjet e prekur, ndërsa përmendi rastin e Albert Carës, i cili humbi të gjithë anëtarët e familjes.
“Viktimave të Thumanës, familjeve të Thumanës, kemi gati t’u ofrojmë menjëherë apartamentin në Tiranë. Kemi 6 apartamente në Tiranë… Ky akt i parë është akti i dorëzimit të apartamenteve gjithë këtyre familjeve, duhet bërë në një kohë rekord. Jemi gati tani, komunikimi do të sjellë mbrapsht gatishmërinë e tyre për të shkuar në Tiranë, ata të Thumanës, ata të Durrësit”, u shpreh Rama.



