E mërkurë, 18 nëntor 2026

Rubrikat

Mbështet Limit.al

Mbi 8 milionë punëtorë italianë në rrezik nga inteligjenca artificiale

Rreth 8.4 milionë punëtorë janë në rrezik nga përdorimi në rritje i inteligjencës artificiale (AI), sipas një studimi nga shoqata Confartigianato mbi shkallën e ekspozimit të tregut italian të punës ndaj sistemeve ekspertë të publikuar të enjten.

36.2% e fuqisë punëtore “do të vuajnë efektet e proceseve të transformimit të thellë teknologjik dhe automatizimit”, tha shoqata, raporton ANSA.

Sipas studimit, rajoni më i ekspozuar është Lombardia, e ndjekur nga Lacio.

“Nuk duhet pasur frikë nga inteligjenca artificiale, por duhet përdorur atë me inteligjencën e një mjeshtri,” tha kryetari i Confartigianato, Marco Granelli.

Profesionet më të ekspozuara ndaj ndikimit të AI “janë ato më të kualifikuarat, ato me një komponent të lartë intelektual dhe administrativ, duke filluar nga teknikët e informacionit dhe komunikimit, menaxherët administrativë dhe biznesi, specialistët e biznesit dhe menaxhimit, specialistët shkencorë dhe inxhinierikë dhe menaxherët e administratave publike.”, thuhet në studim.

Profesionet që mbartin rrezikun më të ulët nga AI janë ato “me një komponent manual jo të standardizuar”, sipas Confartigianato.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet