E mërkurë, 18 nëntor 2026

Rubrikat

Mbështet Limit.al

Mbi 4 milionë viktima nga koronavirusi në të gjithë botën

Marrë nga Associated Press

Numri i viktimave nga koronavirusi në gjithë botën ka kaluar shifrën 4 milionë. Njoftimi u bë nga Universiteti “Johns Hopkins”, ndërsa vazhdon gara për të vaksinuar popullsinë si dhe lufta me variantet e reja, gjithnjë e më ngjitëse.

Numri i jetëve të humbura gjatë një viti e gjysmë është afërsisht i barabartë me numrin e njerëzve të vrarë në beteja në të gjitha luftërat e botës që nga viti 1982, sipas vlerësimeve nga instituti “Research Peace”, me bazë në Oslo. Ky numër është tre më i lartë se numri i personave që humbin jetën në aksidente trafiku çdo vit. Numri i viktimave nga koronavirusi është afërsisht i barabartë me popullsinë e Los Anxhelosit.

SHBA ka numrin më të lartë të raportuar të vdekjeve në botë, me mbi 600 mijë viktima, ndjekur nga Brazili me më shumë se 520 mijë viktima. Megjithëse shifrat reale besohet të jenë shumë më të larta në Brazil, thonë ekspertët, ku qeveria e ekstremit të djathtë e Presidentit Jair Bolsonaro ka minimizuar prej kohësh virusin.

Më shpikjen e vaksinave numri i vdekjeve ka rënë ndjeshëm, por në javët e fundit varianti delta i virusit, i identifikuar për herë të parë në Indi, ka krijuar frikë në të gjithë botën. Sipas ekspertëve varianti delta është duke u përhapur me shpejtësi edhe në ato vende që cilësohen si tepër të suksesshme sa i përket vaksinimit si: SHBA, Britania dhe Izraeli.

Shumë vende kanë vendosur përsëri masa parandaluese dhe autoritetet po nxitojnë të shtojnë numrin e të vaksinuarve. Pandemia po ashtu ka ekspozuar edhe hendekun mes vendeve të paasura dhe atyre të varfëra sa i përket vaksinimit.

Shtetet e Bashkuara dhe vendet e tjera të pasura kanë rënë dakord të ndajnë të paktën 1 miliardë doza me vendet që luftojnë koronavirusin dhe kanë mungesa në vaksina.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet