E mërkurë, 18 nëntor 2026

Rubrikat

Mbështet Limit.al

Marrëveshjen në Itali e vendos platforma online, e njohur si “Rousseau”

Marrëveshja e arritur mes lëvizjes “5 Yjet”, në Itali dhe rivales së saj, Partisë Demokratike të qendrës së majtë, nuk e ka kaluar ende pengesën e fundit.

Që pakti të vihet në jetë, ai duhet të marrë dhe “pëlqimin” e anëtarëve të Lëvizjes Populiste përmes një votimi në internet. Platforma online, e njohur si “Rousseau”, do të votohet të martën.

Nëse ujdia merr dritën jeshile të bazës së “5 Yjeve”, sipas kryeministrit në detyrë, Giuseppe Conte, Italia do ta ketë kabinetin e saj qeveritar, brenda mbrëmjes së të mërkurës.

Por nëse ajo refuzohet, vendi në muajin nëntor, shkon në zgjedhje të parakohshme. Vetë themeluesi “5 Yjeve“, Beppe Grillo e miratoi publikisht marrëveshjen gjatë fundjavës dhe i kërkoi PD që ta shfrytëzojë mundësinë e “veçantë” për të qeverisur së bashku.

“Le të ëndërrojmë, të kemi një vizion,” thoshte ai në një video të postuar në blogun e tij. Lëvizja Populiste shënoi një rritje në sondazhe, pas vulosjes së ujdisë me demokratët e majtë, ndërsa Lega e Salvinit pati një tkurrje, por pa rënë sidoqoftë nën nivelin e 30% të popullaritetit. Një anketim i publikuar së fundi nga Corriere Della Sera tregonte se PD e drejtuar dikur nga ish kreu i qeverisë, Matteo Renzi, renditet e treta pas tyre me 22.3% te preferencave.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet