E mërkurë, 18 nëntor 2026

Rubrikat

Mbështet Limit.al

Ky vend i thotë lamtumirë maskës në vendet e hapura

Në rrugët e Izraelit njerëzit mund të ecin përsëri pa maskën mbrojtëse, e cila pas një viti nuk është më e detyrueshme jashtë. Një vendim që ekspertët tani e konsideruan “të duhurin”, duke marrë parasysh uljen e kurbës së infektimit. Dje pati vetëm 82 raste të reja pozitive, një rënie me 97% krahasuar me janarin.

“Ishte koha!” -thotë parukeri Uzi në qendër të Tel Avivit, nga dritarja e të cilit mund të shihet që edhe brenda atmosfera është e qetë, me më shumë se një klient pa maskë.

“Është një bekim i vërtetë, veçanërisht tani që i nxehti ka filluar të godasë”, thotë Rotem, i cili është rrugës për t’u zhytur në det.

Amos, i cili pret jashtë parukerisë, ende fshihet pas një bandana, por thekson se ai nuk ishte në dijeni të vendimit të ri, ndërsa Ronen, nga kioska përballë, i bërtet: “A nuk je i lumtur që po merr frymë përsëri?”.

Duke ecur nëpër rrugët ku Covid duket se është vetëm një traumë e së kaluarës, maskat mbeten shenja më e dukshme se si pandemia është e destinuar të ndikojë akoma në rutinën e re. Shumica e njerëzve ende ecin me maskën poshtë, ose të lidhur në dorë, të cilën nëse e harrojnë nuk do të mund të hyjnë në supermarket, në autobus ose në ambientet e tjera të mbyllura.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet