E mërkurë, 18 nëntor 2026

Rubrikat

Mbështet Limit.al

Kurti e Vuçiç në takim joformal të mërkurën në Berlin

Kryeministri i Kosovës, Albin Kurti dhe presidenti i Serbisë, Aleksandër Vuçiç, pritet të zhvillojnë të mërkurën në mbrëmje një takim joformal në Berlin, që do të ishte takimi i parë i tyre pas korrikut të vitit të kaluar.

Të dy udhëheqësit do të qëndrojnë në Berlin për takime të ndara me kancelarin gjerman Olsaf Scholz.

“Takimet do të përqendrohen në bashkërendimin e reagimeve të mëtejshme ndaj agresionit të Rusisë në Ukrainë, marrëdhënieve politike dhe ekonomike si dhe bashkëpunimit rajonal”, shkroi ambasadori gjerman në Prishtinë, Jörn Rohde.

Takimet tha ai, do të shërbejnë gjithashtu për të mbështetur bisedimet Kosovë-Serbi të udhëhequra nga Bashkimi Evropian, duke nënvizuar se kancelari Scholz ka ftuar të dërguarin e BE-së për bisedimet Kosovë – Serbi, Miroslav Lajçak, i cili do të jetë mikpritësi i takimit të përbashkët me kryeministrin Kurti dhe presidentin Vuçin në mbrëmje në Berlin.

Zyrtarë të BE-së e konfirmuan takimin por pa dhënë ndonjë hollësi rreth planeve të ndërmjetësuesit Lajçak.

Presidenti serb, Aleksandër Vuçiç, tha se “ka frikë” nga vizita në Berlin dhe pret “bisedime të vështira” me kancelarin Scholz, ndërsa nuk pret ndonjë përparim në takimin e me kryeministrin e Kosovës.

Bashkimi Evropian është vënë në përpjekje për të siguruar një takim të nivelit të lartë politik ndërmjet Kosovës dhe Serbisë dhe nga takimi i së mërkurës pret shtendosje që do të ndihmonte ripërtëritjen e procesit të normalizimit të marrëdhënieve ndërmjet palëve.

Në fillim të javës së kaluar, ndihmës sekretarja amerikane e Shtetit për çështjet Evropiane dhe Euroaziatike, Karen Donfried, tha se normalizimi është rruga për t’iu kundërvënë përpjekjeve të Rusisë për destabilizimin e Ballkanit dhe se “status quo-ja” jo vetëm që pengon të ardhmen evropiane të Kosovës dhe Serbisë, por është përfitim për Kremlinin.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet