E mërkurë, 18 nëntor 2026

Rubrikat

Mbështet Limit.al

Krim brenda familjes në Tiranë, 43-vjeçari vret kunatën, e më pas edhe veten

Një ngjarje e rëndë tronditi Shkozën, në kryeqytet, mëngjesin e së shtunës.

Një 43-vjeçar ka ekzekutuar me armë zjarri bashkëshorten e vëllait, e më pas është vetëvrarë.

Roland Sinani ka vrarë me armë zjarri tip pistoletë kunatën e tij, Migena Sinani, 37vjeçe. Ngjarja ndodhi rreth orës 04:00 të mëngjesit të së shtunës.

Sipas informacioneve, autori vuante nga shëndeti mendor dhe merrte mjekim. Në momentin kur ndodhi ngjarja e rëndë, në banesë kanë qenë dy prindërit, të cilët kanë qenë në gjumë sipas deklarimeve paraprake, ndërsa po punohet për sqarimin e rrethanave të ngjarjes.

Bashkëshorti i 37-vjeçares punonte si taksit dhe nuk ndodhej në banesë, kur ndodhi ngjarja e rëndë.

Policia dhe grupi hetimor kanë nisur hetimet, për zbardhjen e rrethanave, ndërkohë që u sekuestrua pistoleta, të cilën Roland Sinani e përdori në ngjarje.

Njoftimi zyrtar i Policisë: Tiranë/Informacion paraprak

Rreth orës 04:00 të mëngjesit, në Shkozë, në banesë, shtetasi R. S., 43 vjeç, në rrethana ende të paqarta dyshohet se ka vrarë me armë zjarri kunatën (nusen e vëllait) shtetasen M. S., rreth 37 vjeçe dhe më pas ka vrarë veten.

Në cilësinë e provës materiale është sekuestruar arma e zjarrit pistoletë.

Grupi hetimor ndodhet në vendngjarje dhe vijon veprimet me qëllim zbardhjen e rrethanave dhe dokumentimin ligjor të ngjarjes./Limit.al

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet