Fushata zgjedhore e partive politike për zgjedhjet e parakohshme parlamentare fillon më 25 shtator dhe përfundon më 4 tetor.
Ky vendim është marrë të martën në mbledhjen e Komisionit Qendror të Zgjedhjeve (KQZ).
KQZ-ja po ashtu ka bërë të ditur se deklarimi për koalicione parazgjedhore nga ana e subjekteve politike fillon më 27 gusht dhe përfundon më 30 gusht, ndërsa aplikimi për certifikim të subjekteve politike dhe kandidatëve fillon më 27 gusht dhe përfundon më 6 shtator.



