Tre ditë nisjes së detyrës, qeveria e re e Kosovës vendos të rikthejë lëvizjen e lirë në kufirin me Shqipërinë. Me rekomandimin e Ministrit të Shëndetësisë, kabineti i Avdullah Hotit miratoi hapjen e kufirit mes dy vendeve duke nisur nga e hëna e 8 qershorit.
“Qytetarët, të cilët hyjnë në Republikën e Kosovës nuk do t’i nënshtrohen masës së vetëizolimit shtëpiak 7 ditor. MSH do të mundësojë liri të plotë të lëvizjes së qarkullimit të qytetarëve dhe mallrave, në veçanti në pikat më të frekuentuara kufitare me të cilat kufizohet Republika e Kosovës”.
Vendimi është i vonuar pasi qeveria shqiptare hapi kufijtë me Kosovën dhe vendet fqinjë që më 1 Qershor. Edhe pse përgjegjësia për këtë vonesë është e qeverisë pararendëse të Albin Kurtit, zv/kryeministrja Albulena Balaj Halimaj kërkoi ndjesë.



