E mërkurë, 18 nëntor 2026

Rubrikat

Mbështet Limit.al

Kosova pranon 10,000 vaksina donacion nga Kroacia

Në Kosovë arritën të enjten 10,000 vaksina kundër koronavirusit, të bëra donacion nga Kroacia.

Donacioni u pranua gjatë një takimi të ministrit të Shëndetësisë së Kosovës, Arben Vitia, dhe drejtorit të Institutit Kombëtar të Shëndetësisë Publike të Kosovës, Naser Ramadani, me ambasadoren e Kroacisë në Kosovë, Danijella Barishiq.

Në njoftimin e Ministrisë së Shëndetësisë nuk bëhet e ditur se të cilit prodhues janë vaksinat.

Marrëveshja për këtë donacion është nënshkruar më 24 maj nga Barishiq dhe zyrtarë të Ministrisë së Shëndetësisë së Kosovës.

Kosova ka nisur fushatën e vaksinimit kundër koronavirusit në fund të marsit.

Deri të enjten janë dhënë gjithsej 90,217 vaksina.

Aktualisht, në zhvillim e sipër është faza e dytë e vaksinimit, që përfshin personat e moshës 65-79 vjeç.

Faza e tretë e vaksinimit masiv është paralajmëruar se do të nisë javën e ardhshme.

Kosova ka pranuar donacione vaksinash nga Bashkimi Evropian dhe nga programi Covax i Organizatës Botërore të Shëndetësisë.

Muajin e kaluar, autoritetet kanë njoftuar për nënshkrimin e një kontrate me kompaninë farmaceutike amerikane Pfizer, për sigurimin e mbi 1 milion vaksinave, por nuk dihet ende se kur do të arrijnë ato në Kosovë.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet