E mërkurë, 18 nëntor 2026

Rubrikat

Mbështet Limit.al

KE: Evropa duhet të nisë më herët vaksinimin kundër gripit

Shtetet e Bashkimit Evropian duhet të nisin më herët fushata më të mëdha të vaksinimit kundër gripit, për të ulur rrezikun e shpërthimeve të njëkohshme të influenzës dhe të COVID-19, sëmundjes që e shkakton koronavirusi, tha Komisioni Evropian.

Fushatat për vaksinim kundër gripit normalisht fillojnë në vjeshtë, por sivjet këshillohet që ato të fillojnë gjatë verës.

Zyrtarët e BE-së janë të shqetësuar se spitalet mund të mbingarkohen nga një numër i madh pacientësh, siç ka ndodhur në kulmin e pandemisë së koronavirusit në Evropë, gjatë muajve mars dhe prill.

Komisioni Evropian po ashtu iu bëri thirrje shteteve që të blejnë më shumë vaksina kundër gripit.

Këtë javë, shkencëtarët në Mbretërinë e Bashkuar kanë paralajmëruar se vala tjetër e koronavirusit në dimër mund të jetë më vdekjeprurëse.

Sipas tyre, Mbretëria e Bashkuar mund të shohë rreth 120,000 vdekje të tjera nga koronavirusi në dimër.

Aktualisht, Mbretëria e Bashkuar është vendi më i prekur në Evropë nga COVID-19: me mbi 292,000 të infektuar dhe mbi 45,000 viktima.

Në gjithë botën, koronavirusi ka prekur mbi 13.3 milionë njerëz.

Prej tyre, mbi 578,000 kanë humbur jetën dhe mbi 7.3 milionë janë shëruar.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet