E mërkurë, 18 nëntor 2026

Rubrikat

Mbështet Limit.al

Kalimet detare drejt Europës bien, por bëhen më vdekjeprurëse

Numri i emigrantëve dhe refugjatëve që kanë mbërritur në Europë përmes detit ka rënë gjatë vitit 2026, por udhëtimet janë bërë edhe më të rrezikshme.

Sipas të dhënave të Organizatës Ndërkombëtare për Migracionin, rreth 60 mijë persona kanë kaluar detin drejt Europës gjatë këtij viti. Kjo përfaqëson një rënie prej 39 për qind krahasuar me rreth 98 mijë kalime të regjistruara në vitin 2025.

Megjithatë, të paktën 2.292 njerëz kanë humbur jetën ose rezultojnë të zhdukur gjatë këtyre udhëtimeve. Në të njëjtën periudhë të vitit të kaluar ishin raportuar 1.999 viktima dhe persona të zhdukur.

Shumë nga udhëtimet nisen nga brigjet e Libisë me mjete të papërshtatshme dhe të mbingarkuara. Organizata Ndërkombëtare për Migracionin paralajmëron se bilanci i vërtetë mund të jetë edhe më i lartë, pasi jo të gjitha fundosjet dhe zhdukjet dokumentohen.

Ndërkohë që vendet europiane po diskutojnë masa më të forta për kontrollin e kufijve dhe kthimin e emigrantëve, organizatat ndërkombëtare kërkojnë krijimin e më shumë rrugëve të ligjshme dhe të sigurta të migrimit.

Rënia e numrit të mbërritjeve, pra, nuk do të thotë se kriza njerëzore në Mesdhe është zgjidhur.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet