E mërkurë, 18 nëntor 2026

Rubrikat

Mbështet Limit.al

“Jo azil emigrantëve shqiptarë”/ Ministri i Emigracionit në Britani: Vijnë nga një vend i sigurt

Pas shumë diskutimeve për emigrantët e paligjshëm, Anglia mund të ndalojë shqiptarët që të kërkojnë azil. Ministri i Emigracionit Robert Jenrick deklaroi se këta emigrantë nuk duhen lejuar të kërkojnë azil në Britaninë e Madhe, pasi vijnë nga një vend i sigurt.

Duke folur për mediat, ai nënvizoi se është shumë e vështirë të kuptosh pse një shqiptar duhet të jetë në gjendje të kërkojë azil në Britani.

Ministri shtoi se nivelet aktuale të migrimit në Mbretërinë e Bashkuar janë alarmante.

Shqiptarët përbëjnë mbi një të tretën e 33,000 emigrantëve që hynë nga kanali i La Manshit në nëntë muajt e parë të këtij viti. Ky problem sipas ministrit Jenrick duhet të jetë “përparësia numër një” e qeverisë.

Komentet erdhën pasi Ministria e Brendshme nuk pranoi të komentojë një dokument të publikuar në media, sipas të cilit qeveria po punon për një paketë ligjore mbi frenimin e fluksit të azilkërkuesve që hyjnë në rrugë të paligjshme në Britani.

Sekretarja e Brendshme Suella Braverman po ashtu mesohet se I ka kërkuar  kryeministrit që të mbështeste planet për të kthyer mbrapsht çdo emigrant të paligjshëm.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet