E mërkurë, 18 nëntor 2026

Rubrikat

Mbështet Limit.al

Java Botërore e Imunizimit, OBSH: Vaksinat shpëtojnë miliona jetë

Sot nis Java Botërore e Imunizimit e cila zhvillohet çdo vit në javën e fundit të prillit, duke promovuar dhënien e vaksinave për t’i mbrojtur personat e të gjitha moshave nga sëmundjet.

Udhëhequr nga UNICEF-i dhe Organizata Botërore e Shëndetësisë, tema e Javës Botërore të Imunizimit për këtë vit është “Imunizimi për të gjithë është diçka e arritshme”.

Java Botërore e Imunizimit 2025 synon të sigurojë që edhe më shumë fëmijë, adoleshentë e të rritur të mbrohen kundër sëmundjeve të parandalueshme me vaksina.

Gjatë 50 viteve të fundit, vaksinat thelbësore kanë shpëtuar të paktën 154 milionë jetë, ose 6 jetë në minutë, çdo ditë, për pesë dekada.

Në këto 50 vjet, vaksinimi ka sjellë një rritje me 40% te mbijetesës së foshnjave. Vetëm vaksina e fruthit përbën 60% të jetëve të shpëtuara.

“E ardhmja e imunizimit do të thotë jo vetëm arritjen e miliona fëmijëve që nuk kanë marrë kurrë një vaksinë të vetme, por mbrojtjen e gjyshërve nga gripi, foshnjat nga malaria dhe RSV, nënat shtatzëna nga tetanozi dhe vajzat e reja nga HPV”, shkruan OBSH në faqen e saj zyrtare.

Vaksinat janë një nga arritjet më të avancuara të shkencës moderne, me ndihmën e të cilave është arritur që të përgjysmohet vdekshmëria e fëmijëve dhe të shpëtohen miliona jetë në botë.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet