E mërkurë, 18 nëntor 2026

Rubrikat

Mbështet Limit.al

I shpallur në kërkim për atentatin ndaj Prokurorit Ndoj, arrestohet Ramazan Rraja

Mbrëmjen e së mërkurës, në afërsi të ‘Urës së Gjolës’ në Fushë-Krujë, është arrestuar nga Policia Ramazan Rraja.

Ramazan Rraja ishte shpallur në kërkim nga autoritetet shqiptare, pasi ai akuzohet për atentatin me armë ndaj ish-Prokurorit Arjan Ndoj, si dhe ‘Rrumit’ të Shijakut, ngjarje e ndodhur më 1 nëntor 2019, në mbikalimin e Shkozetit në Durrës. Nga ky atentat mbeti i vrarë shoferi i Prokurorit, Andi Maloku.

Rraja, nipi i deputetit socialist Rrahman Rraja, për t’iu fshehur drejtësisë ishte larguar drejt Dubait.

Përmes informacioneve të siguruara nga SPAK, është arritur lokalizimi i tij, sapo është kthyer në Shqipëri.

Sapo ka mbërritur në vendin tonë, mësohet se Rraja është mbajtur nën vëzhgim dhe është vënë më pas në pranga.

Gjatë momentit të arrestimit, Policia bën me dije se Ramazan Rraja mbante me vete edhe një pistoletë, që e kishte gati për qitje.

Nipi i deputetit socialist rezulton i shpallur në kërkim edhe nga drejtësia belge. Një gjykatë në Belgjikë, e dënoi Rrajën në shkurt të këtij viti me 12 vite burgim, si një prej krerëve të një organizate shqiptaro-letoneze të trafikut të drogës, që tregtonte miliona euro kokainë, duke përfshirë portet e Antwerp dhe Vlissingen./Limit.al

http://limit.al/wp-content/uploads/2023/04/Arrestimi-i-Rrajës.mp4

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet