E mërkurë, 18 nëntor 2026

Rubrikat

Mbështet Limit.al

Harta e re gjyqësore, shkrihen 9 Gjykata dhe Prokurori, nis faza e dytë e implementimit të hartës

Nga sot më datë 1 maj, 9 Gjykata dhe Prokurori të Shkallës së Parë në rrethe do të shkrihen. Mbyllja e tyre do të bëhet në kuadër të zbatimit të hartës së re gjyqësore.

Gjykatat e Shkallës së Parë që shkrihen janë ajo e Tropojës, Matit, Kurbinit, Pukës, Krujës, Kavajës, Lushnjes, Përmetit edhe Pogradecit.

Bashkë me Gjykatat, do të mbyllen edhe Prokuroritë përkatëse, ndërsa gjyqtarët dhe prokurorët, sikurse edhe dosjet do të transferohen në Gjykatat e tjera.

Institucionet e drejtësisë nga Tropoja do të transferohen në Kukës, ndërsa ato të Matit në Dibër dhe të Pukës në Shkodër.

Gjykata dhe Prokuroria e Kurbinit do të zhvendoset në Lezhë, e Krujës në Tiranë dhe Kavajës në Durrës, ndërsa e Pogradecit në Korçë.

Dosjet gjyqësore të Lushnjes do të shkojnë në Fier dhe ato të Përmetit në Gjirokastër.

Godinat e Gjykatave dhe Prokurorive që mbyllen do të qëndrojnë të hapura, për depozitimin e padive dhe për çështje të tjera administrative për qytetarët.

Në vend mbeten 13 Gjykata e Prokurori të Shkallës së Parë, nga 23 që funksiononin më herët.

Harta e re gjyqësore parashikon 16 gjykata në Total, 13 të Shkallës së Parë, 1 Gjykatë Apeli dhe 2 gjykata Administrative./Limit.al

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet