E mërkurë, 18 nëntor 2026

Rubrikat

Mbështet Limit.al

Gjermania mesazh Turqisë: Shkëndija më e vogël mund të çojë në katastrofë

Ministri i Jashtëm i Gjermanisë, Heiko Maas ka zhvilluar sot një vizitë në Greqi ku është takuar me homologun e tij Nikos Dendias dhe zyrtarë të tjerë të qeverisë greke.

Në fokus të vizitës së tij ka qenë pikërisht tensioni mes Greqisë dhe Turqisë për Mesdheun Lindor.

Ministri gjerman është treguar i drejtpërdrejtë në deklaratat e tij, kur ka thënë se Gjermania dhe Bashkimi Europian qëndrojnë në anën e Greqisë.

“Qëllimi kryesor i vizitës time, dhe me këtë nuk zbuloj ndonjë sekret, është situata e tensionuar në Mesdheun Lindor. Përshkallëzimi i situatës ka shkaktuar shqetësime të mëdha për ne, anëtarët e tjerë të BE-së dhe NATO-s. Unë do të vazhdoj udhëtimin tim për në Ankara për të vazhduar bisedimet për Mesdheun Lindor. Jam sot këtu me dy mesazhe. E para, Gjermania dhe BE qëndrojnë fort në anën e Greqisë. Dhe mesazhi i dytë është se ajo që nevojitet tani është vullneti për dialog mes palëve”.

Kreu i diplomacisë gjermane i ka dërguar një mesazh të qartë Turqisë, që një incident sado i vogël mund të shkaktojë katastrofë.

“Situata në Mesdheun Lindor është si të luash me zjarrin. Shkëndija më e vogël mund të çojë në një katastrofë. Ne do të bëjmë gjithçka që mundemi për të mos lejuar që kjo të ndodhë. Është një pamje e paimagjinueshme që nuk i përshtatet shekullit XXI”.

Maas theksoi se Gjermania do të bëjë gjithçka për të mundësuar dialog mes Greqisë dhe Turqisë, çka do të sillte uljen e tensioneve në Mesdheun Lindor.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet