E mërkurë, 18 nëntor 2026

Rubrikat

Mbështet Limit.al

Gati për sulm… Foto satelitore tregojnë mobilizimin rus në kufi

Foto të reja satelitore tregojnë mijëra trupa ruse që mblidhen në kufirin me Ukrainën, të gatshme ta pushtojnë atë nëse Vladimir Putin jep urdhërin. Përqendrimi i forcave është cilësuar si më i madhi që kur Rusia aneksoi territorin ukrainas të Krimesë dhe ndezi një luftë mes tyre shtatë vite më parë.

Dhe e gjithë kjo vjen ndërsa luftanijet britanike do të lundrojnë drejt detit të zi, muajin e ardhshëm, në mesin e frikës për një luftë mes Ukrainës dhe Rusisë. Muajt e shkuar në fakt, Putin ka mbledhur dhjetëra e mijëra trupa dhe armatime në zonën e diskutuar të Donbashit, një zonë ku flitet rusisht që tenton të shkëputet nga Ukraina që nga 2014. Konflikti në Donbash shpërtheu muajt pasi forcat ruse aneksuan gadishullin e Krimesë në 2014. Pamjet më të fundit satelitore, tregojnë një kamp gjigant të ushtrisë ruse, rreth 30 km larg Marfivka-s, në Krimenë lindore, raporton Der Spiegel.

Kampi ndodhet pranë territoreve ukrainase dhe mban pjesë të batalionit të 58-të të Rusisë. Ka më shumë se një mijë mjete ushtarake atje si edhe kazerma të ngritura njëra pas tjetrës. Imazhe të mëhershme e tregonin zonën të zbrazët, më 15 mars. Raportet për këtë mobilizim të trupave në kufi vijnë ndërsa rriten në mënyrë dramatike edhe përleshjet përgjatë frontit javët e fundit. Të paktën 23 ushtarë Ukrainës janë vrarë që nga fillimi i vitit krahasuar me 50 në total në të gjithë 2020-ën. Ambasadori rus në Britaninë e Madhe ndërkohë ka paralajmëruar për gjakderdhje në Ukrainë dhe ka thënë se Moska do të reagojë nëse Kievi lëviz trupa në rajonin e Donbashit.

Image
Image
Image

https://linker.mk/Прочитај повеќе

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet