Jo vetëm në festat e fundvitit, por shqiptarët kanë shfrytëzuar edhe javën e parë të janarit për të pushuar jashtë vendit. Operatorët turistikë thonë se rezervimet gjatë kësaj periudhe kanë shënuar një rritje të lehtë krahasuar me atë të një viti më parë.
“Këtë vit kemi vënë re një rritje të vogël të numrit të rezervimeve me 5% krahasuar me vitin e kaluar”.
Rajoni mbetet sërish më i preferuari për pushuesit shqiptar. Kryesojnë Mali i Zi dhe Maqedonia e Veriut.



