E mërkurë, 18 nëntor 2026

Rubrikat

Mbështet Limit.al

Europol, FBI dhe Ukraina shkatërrojnë një bandë të krimit kibernetik

Policia gjermane tha se ka shkatërruar në bandë ndërkombëtare të krimit kibernetik, që kishte kërcënuar kompanitë e mëdha dhe institucionet për vite me radhë, duke u marrë miliona euro.

Duke punuar me forcat e tjera partnere ligjzbatuese, përfshirë edhe Europol-in, Byronë Federale amerikane të Hetimit (FBI) dhe autoritetet në Ukrainë, policia në Dyzeldorf tha se arriti të identifikonte 11 persona të lidhur me këtë grup që ka operuar në disa vende që nga viti 2010. Në vitet e fundit, grupi është njohur me emra si Indrik Spider, Double Spider dhe Grief.

Në mesin e viktimave më të njohur të sulmeve të këtij grupi ishin Shërbimi Kombëtar i Shëndetësisë së Britanisë dhe Spitali Universitar i Dyzeldorfit, kompjuterët e të cilëve më 2020 u infektuan me një virus të quajtur DoppelPaymer. Një grua, që kishte nevojë për trajtim urgjent, vdiq pasi autoritetet u detyruan që ta dërgonin për trajtim në një qytet tjetër.

Dirk Kunze, drejtues i departamentit të krimeve kibernetike në policinë gjermane, tha se në mbarë botën janë identifikuar të paktën 601 viktima të këtij grupi, përfshirë 37 në Gjermani. Europol-i tha se viktimat në Shtetet e Bashkuara i kanë paguar kësaj bande të paktën 40 milionë euro, në këmbim të marrjes të të dhënave të rëndësishme që banda kishte bllokuar përmes viruseve.

Kunze tha se banda ka udhëhequr një operacion rekrutimi profesional, duke pranuar anëtarë të rinj me premtimin se do t’iu paguajë pushimet dhe duke kërkuar nga ta që të tregojnë për krimet kibernetike që kanë kryer në të kaluarën.

Ai tha se policia ka kryer bastisje në Gjermani dhe Ukrainë më 28 shkurt, duke konfiskuar prova dhe duke arrestuar disa të dyshuar.

Edhe tre të dyshuar të tjerë janë në arrati, pasi nuk mund të arrestohen sipas ligjeve evropiane, tha Kunze.

Policia gjermane tha se bëhet fjalë për shtetasit rusë, Igor Turashev, 41 vjeç, Irinia Zemlyanikina, 36 vjeçe, dhe Igor Garshin, 31 vjeç, i cili ka lindur në Rusi, por shtetësia e tij ende nuk është bërë e ditur.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet