E mërkurë, 18 nëntor 2026

Rubrikat

Mbështet Limit.al

E rëndë në Dibër, familja po e kërkonte, gjendet i mbytur në liqen 13-vjeçari në fshatin Shumbat

Një ngjarje e rëndë u regjistrua pasditen e së mërkurës në Dibër.

Një fëmijë 13-vjeçar dyshohet se është mbytur aksidentalisht, pasditen e djeshme, në liqenin e fshatit Shumbat në Dibër.

Trupi i pajetë i 13-vjeçarit me inicialet E. S është gjetur rreth mesnatës nga banorë të fshatit, të cilët kishin dalë për t’a kërkuar, pas alarmit të dhënë nga familjarët e të miturit se ai nuk ishte kthyer në shtëpi.

Menjëherë është njoftuar edhe policia e Dibrës e cila ka mbërritur në vendin e ngjarjes dhe ka nisur kërkimet bashkë me banorët.

Banorët e fshatit tregojnë ngjarjen se si e kanë gjetur trupin e pajetë të 13-vjeçarit, ndërsa dyshojnë se ai mund të jetë mbytur aksidentalisht, pasi mund të ketë rrëshkitur në pjesën anësore të liqenit e cila është prej betoni.

Policia e Dibrës dhe grupi hetimor kanë nisur hetimet lidhur me ngjarjen e mbytjes së 13-vjeçarit, për të zbuluar nëse ka patur arsye të tjera, apo është mbytur aksidentalisht.

Njoftimi i Policisë:

Dibër

Shërbimet e Komisariatit të Policisë Dibër, mbremjen e djeshme, pas kallëzimit nga shtetasi A. S. për humbjen e djalit të vëllait të tij, shtetasit E. S., 13 vjeç, kanë nisur menjëherë kërkimet në zonën e fshatit Shumbat, bazuar në informacionet se ky shtetas ishte parë afër liqenit të këtij fshati.

Pas rreth 2 orësh kërkime, në bashkëpunim me banorët e zonës, është bërë e mundur gjetja dhe nxjerrja nga liqeni i fshatit Shumbat, e trupit të pajetë të shtetasit E. S., 13 vjeç.

Nga këqyrja paraprake, në trupin e 13-vjeçarit nuk janë konstatuar shenja dhune apo dëmtime të tjera.

Nga veprimet e para hetimore dyshohet se ky shtetas është mbytur aksidentalisht.

Grupi hetimor, në drejtimin e Prokurorisë, vijon punën hetimore për zbardhjen e plotë të rrethanave të kësaj ngjarjeje./Limit.al

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet