E mërkurë, 18 nëntor 2026

Rubrikat

Mbështet Limit.al

Dendias: Të nisim diskutimet me Shqipërinë për detin

Ministri i jashtëm grek kërkon rinisjen sa më shpejt të bisedimeve me Shqipërinë për zgjidhjen e çështjes së kufirit detar, siç shprehet në një intervistë për shtypin grek.

“Zgjidhja për Greqinë është përcaktimi i kufijve të shelfit kontinental për ndarjen e Zonave Ekskluzive Ekonomike, në bazë të ligjeve ndërkombëtare për vendet fqinje. Me Shqipërinë duam ta zgjidhim këtë pengesë të prapambetur sa më shpejtë të jetë e mundur. Siç kam thënë në parlament kohët e fundit që pas ratifikimit të marrëveshjeve për demarkacionin detar me Italinë dhe Egjiptin, shpresoj që hapi i radhës të jetë nënshkrimi i një marrëveshjeje me Shqipërinë”, tha Dendias.

Kryediplomati grek thotë se shpreson që marrëveshja e re të kënaqë të dyja palët, pavarësisht se një e tillë u arrit në 2009 mes qeverisë greke dhe asaj shqiptare, e cila nuk u vu në zbatim sipas tij për arsye që dihen.

Dendias kujton që mbyllja e të gjitha çështjeve të mbetura pezull i shërben fqinjësisë së mirë por edhe perspektivës europiane të Shqipërisë.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet