E mërkurë, 18 nëntor 2026

Rubrikat

Mbështet Limit.al

Daçiç: Serbia, e gatshme për vazhdimin e dialogut me Kosovën

Ministri i Jashtëm i Serbisë, Ivica Daçiq, tha se vendi i tij është i gatshëm për vazhdimin e dialogut me Kosovën.

Gjatë qëndrimit në Romë, Daçiq tha se pas zgjedhjeve në Serbi, më 21 qershor, presidenti serb, Aleksandar Vuçiq, do të bisedojë me zyrtarët evropianë për këtë çështje.

“Meqenëse Qeveria e re (e Kosovës) i shfuqizoi të ashtuquajturat masa reciprociteti, e para kësaj është shfuqizuar edhe taksa, kushtet për vazhdimin e dialogut janë përmbushur”, u tha Daçiq gazetarëve në Romë.

“Ne jemi të gatshëm për vazhdimin e dialogut. Duam që të vijë deri te një zgjidhje e qëndrueshme, një kompromis, por, në këtë moment, është herët të flitet për këtë, sepse nuk ka pasur dialog për kohë të gjatë”, shtoi ai.

Dialogu midis Kosovës dhe Serbisë, i cili ka nisur qysh në vitin 2011 me ndërmjetësimin e Bashkimit Evropian, është ndërprerë në fund të vitit 2018, për shkak të taksës 100 për qind që u ka vënë Qeveria e atëhershme e Kosovës prodhimeve të importuara nga Serbia.

Serbia e ka kushtëzuar vazhdimin e dialogut me heqjen e taksës dhe të masave të reciprocitetit.

Taksa është hequr më herët nga Qeveria e ish-kryeministrit të Kosovës, Albin Kurti, e cila më pas ka vendosur masa reciprociteti ndaj Serbisë.

Edhe këto masa janë shfuqizuar më 6 qershor nga kryeministri i ri i Kosovës, Avdullah Hoti.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet