E mërkurë, 18 nëntor 2026

Rubrikat

Mbështet Limit.al

COVID-19 në Evropë, protesta të dhunshme kundër masave kufizuese

Policia në Bruksel përdori ujë e gaz lotsjellës për të shpërndarë protestat e dhunshme kundër vaksinimit dhe kufizimeve për frenimin e përhapjes së COVID-19. Protesta të dielën tërhoqi dhjetëra mijëra njerëz, disa prej të cilëve kishin ardhur nga Franca, Gjermania dhe vende të tjera.

Protesta në Bruksel pasoi ato në kryeqytetet e tjera evropiane të mbajtura të shtunën, në të cilat gjithashtu morën pjesë mijëra njerëz që kundërshtojnë të ashtuquajturat pasaporta të vaksinës dhe rregulla të tjera të vendosura nga qeveritë evropiane në përpjekjet për t’i dhënë fund pandemisë së koronavirusit.

Në Bruksel, demonstruesit brohorisnin “Liri!” ndërsa marshonin kundër bllokimeve. Autoritetet thanë se rreth 50 mijë vetë morën pjesë në këtë protestë dhe se pati përplasje të dhunshme mes protestuesve dhe policisë. Pamjet filmike tregonin protestues të veshur me të zeza duke sulmuar e thyer xhamat me sende të forta të një ndërtesë të përdorur nga shërbimi diplomatik i Bashkimit Evropian.

Protesta të ngjashme u zhvilluan edhe në Barcelonë e qytete të tjera evropiane./ Associated Press

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet