E mërkurë, 18 nëntor 2026

Rubrikat

Mbështet Limit.al

Burg ose gjobë 66,000 dollarë për australianët që kthehen nga India

Qytetarët australianë, që kthehen në shtëpi nga India, mund të përballen me pesë vjet burg dhe gjobë, pasi qeveria e ka bërë udhëtimin në vendlindje, përkohësisht të paligjshëm.

Ministria e shëndetësisë tha se vendimi ishte marrë “bazuar në përqindjen e njerëzve në karantinë që kanë tashmëë një infeksion Covid-19 në Indi”.

Më parë këtë javë, Australia ndaloi të gjitha fluturimet nga India. Ka rreth 9 000 australianë në Indi, 600 prej të cilëve klasifikohen si të pambrojtur.

Kjo do të jetë hera e parë që australianët kriminalizohen për kthimin në vendin e tyre, raportojnë mediat vendore. Një mjek i tha ABC se ligji i ri i qeverisë ishte joproporcional me kërcënimin e paraqitur nga ata që ktheheshin nga India.

Nga e hëna, kushdo që ka qenë në Indi brenda 14 ditëve nga data e parashikuar e mbërritjes në Australi, do të ndalohet të hyjë në vend.

Mosrespektimi i vendimit të ri mund të rezultojë në një dënim me pesë vjet burg, një gjobë prej 66,000 dollarësh (37,000 £)  ose të dyja dënimet e marra bashkë. Vendimi do të rishikohet në 15 maj, tha Ministria e Shëndetësisë. “Qeveria nuk i bën këto vendime lehtësisht,” tha Ministri i Shëndetësisë Greg Hunt në deklaratë.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet