E mërkurë, 18 nëntor 2026

Rubrikat

Mbështet Limit.al

Britania teston imunitetin, studimi pritet të përcaktojë nëse vaksinat e reja do të jenë efektive

Studiuesit në Britaninë e Madhe do të testojnë përgjigjen imune tek njerëzit e shëruar nga covid-19 për t’i mbrojtur nga ri-infektimi. Këto teste përfshijnë ekspozimin e qëllimshëm të njerëzve të shëndetshëm ndaj organizmave që shkaktojnë sëmundje, por e gjitha kjo në mënyrë të kontrolluar.

“Qëllimi i këtij studimi është të përcaktojë se çfarë lloj reagimi imunitar parandalon ri-infektimin,” tha Helen McShane, një profesore e embriologjisë në Universitetin e Oksfordit.

McShane tha se ekipi do të masë nivelet e përbërësve të ndryshëm të përgjigjes imune të pjesëmarrësve – përfshirë qelizat T dhe antitrupat – dhe më pas do të monitorojë nëse pjesëmarrësit  infektohen  përsëri kur ekspozohen ndaj virusit.

Pjesëmarrësit duhet të jenë të shëndetshëm, jo ​​në grupe të prekshme, të jenë midis moshës 18 dhe 30 vjeç dhe të jenë të infektuar me koronavirus të paktën tre muaj para se të bëjnë testin.

Faza e parë e testit fillimisht do të përfshijë 24 pjesëmarrës të ndarë në grupe, të cilët do të marrin, përmes hundës, llojin fillestar të koronavirusit.

“Ideja është që të fillojmë me një dozë shumë të ulët dhe, nëse është e nevojshme, ta rrisim atë. Qëllimi ynë është të infektojmë 50% të pacientëve tanë, por pa ose me simptoma shumë të lehta,” tha McShane, duke shtuar se pasi të përcaktohet doza e kërkuar, do t’u jepet 10 deri 40 pjesëmarrësve të tjerë për konfirmim.

Faza e dytë e studimit – që pritet të fillojë në verë – do të përfshijë një grup të ri pjesëmarrësish dhe do të studiojë me kujdes përgjigjen e tyre imune para dhe pas ekspozimit ndaj virusit, si dhe barrën dhe simptomat tek ata që rishfaqen Covid.

Në rast të konfirmimit të ri-infeksionit ose simptomave në çdo fazë të testit, pjesëmarrësve do t’u jepet terapi me antitrupa monoklonale.

“Nëse ne mund të përcaktojmë nivelin e përgjigjes imune mbi të cilën një person nuk mund të infektohet, atëherë kjo do të na ndihmojë të përcaktojmë nëse vaksinat e reja do të jenë efektive pa i testuar domosdoshmërisht ato në faza të shumëfishta të efektivitetit,” tha McShane.

Pjesëmarrësit do të paguhen për tu bërë pjesë e këtij studimi, pasi çdo vullnetar duhet të jetë në karantinë për të paktën 17 ditë gjatë provës dhe të monitorohet për 12 muaj.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet