E mërkurë, 18 nëntor 2026

Rubrikat

Mbështet Limit.al

Biden: E drejta e votës – “test i kohës”

Presidenti i Shteteve të Bashkuara, Joe Biden, tha se ruajtja e të drejtave të votimit është “test i kohës”.

Gjatë një fjalimi në Filadelfia, Biden, demokrat, tha se është “domosdoshmëri kombëtare” që të miratohet legjislacioni i të drejtave të votimit, i cili ka ngecur në Kongres për shkak të kundërshtimit të Partisë Republikane.

Shumë shtete të kontrolluara nga republikanët kanë miratuar ligje që kufizojnë votimin ose ndryshojnë rregullat e zgjedhjeve, pas pretendimeve të rreme të ish-presidentit republikan, Donald Trump, se zgjedhjet presidenciale të vitit 2020 janë vjedhur, përmes mashtrimit të gjerë të votuesve.

Legjislacioni për të drejtat e votimit, i kërkuar nga Biden, po përballet me një betejë të ashpër në Kongres.

Biden tha se përpjekjet për të kufizuar mundësinë e votimit janë “jo-amerikane” dhe “jodemokratike”.

Ai i krahasoi ato me ligjet e mëparshme, që i ndalonin afrikano-amerikanët dhe gratë në SHBA të votojnë.

Disa shtete të drejtuara nga republikanët kanë kufizuar votimin e gjerë me postë, që ishte vendosur në zgjedhjet e kaluara presidenciale, për shkak të frikës nga koronavirusi.

Të tjerat kanë bërë përpjekje të ashpërsojnë kërkesat për identifikimin e votuesve.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet