E mërkurë, 18 nëntor 2026

Rubrikat

Mbështet Limit.al

BE do të organizojë konferencë donatorësh për Shqipërinë

Bashkimi Europian do të organizojë një konferencë donatorësh për të mbledhur fonde për Shqipërinë në përballimin e dëmeve që shkaktoi tërmeti i 26 Nëntorit.

Në mbledhjen e së enjtes, Këshilli i Europës ka pranuar propozimin e Komisionit Europian për të ndihmuar vendin tonë.

“Bashkimi Evropian solidarizohet me Shqipërinë pas tërmetit të fundit. Këshilli Evropian mirëpret njoftimin e Komisionit për të ofruar ndihmë humanitare dhe për të organizuar një konferencë donatorësh”, thuhet në pikën e fundit të mbledhjes së Këshillit të Europës që u miratua një ditë më parë.

Lajmi është konfirmuar edhe nga Presidentja e Komisionit Europian, Ursula Von der Leyen, e cila bëri me dije se konferenca e donatërove për të ndihmuar Shqipërinë do të organizohet në Tiranë në Janar 2020.

Ideja për një konferencë donatorësh për të ndihmuar vendin tonë u parashtrua fillimisht nga Presidenti i Francës, Emmanuel Macron, dhe që më pas u propozua zyrtarisht edhe nga Komisioni Europian.

Disa ditë më parë, KE dhuroi 15 milionë Euro si ndihmesa e parë për përballimin e dëmeve.

Nga tërmeti i 26 Nëntorit që goditi rajonet e Tiranës dhe Durrësit humbën jetën 51 persona dhe u plagosën mbi 900 të tjerë, ndërkohë që shumë ndërtesa u shkatërruan.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet