E mërkurë, 18 nëntor 2026

Rubrikat

Mbështet Limit.al

AstraZeneca, vaksinë të re kundër variantit Omicron

Kompania farmaceutike britaniko-suedeze AstraZeneca dhe Universiteti i Oksfordit njoftuan se po punojnë për një vaksinë të re, specifikisht kundër variantit Omicron.

Vaksina i përket klasës së adenoviruseve, pra një virus i dobësuar, që futet në ADN-në e individit dhe shkakton sëmundje të lehtë për të krijuar anti-trupa, që të mbrojnë nga virusi real.

Sandy Douglas, një prej shkencëtarëve të Oksfordit, tha se vaksinat e klasës së adenoviruseve, “në parim mund të përdoren ndaj çdo varianti të ri më shpejt se sa mendohej më parë”.

Sipas një studimi të botuar në revistën mjekësore Lancet, mbrojtja nga vaksina aktuale e AstraZeneca-s, fillon të dobësohet 3 muaj pas dozës së dytë. Studimi del ndërsa janë shtuar kërkesat nga qytetarët për të marrë dozën e tretë, mes përhapjes me shpejtësi të variantit Omicron.

Izraeli ndërkohë njoftoi se do të fillojë të japë dozën e katërt. Sipas një grupi këshillimor në Izrael doza e katërt do t’u jepet personave mbi 60 vjeç. Ajo mund të jepet katër muaj pas dozës së tretë.

Izraeli ka qënë më përpara se vendet e tjera në fushatën e vaksinimit të qytetarëve të tij.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet