E mërkurë, 18 nëntor 2026

Rubrikat

Mbështet Limit.al

Ashpërsohen masat kundër variantit të ri të koronavirusit

Greqia do të izolojë në karantinë të gjithë shtetasit nga vendet e BE

Qarkullimi i varianteve të reja të koronavirusit që përhapen më shpejt ka detyruar shumë vende të botës të ashpërsojnë masat e hyrjes së të huajve. OBSH njoftoi se 22 vende europiane kanë konstatuar praninë e mutacionit të ri.

Greqia ka rikthyer në fuqi masat që u lehtësuan për festat e fundvitit. Masat e reja, që do të qëndrojnë në fuqi deri më 21 Janar, parashikojnë kryerjen e testit të shpejtë dhe izolim 7 ditor në karantinë për të gjithë personat që hyjnë nga vendet e Bashkimit Europian. Shtetasit nga Britania e Madhe do të kryejnë një test të dytë në përfundim të karantinës në Greqi. Mediat greke shkruajnë se të gjitha fluturimet nga Shqipëria dhe Maqedonia e Veriut për në Greqi do të kryen vetëm nëpërmjet aeroportit ndërkombëtar të Athinës.

Sakaq autoritetet franceze njoftuan zgjatjen për një periudhë të pacaktuar të rregullit për kufijtë e mbyllur me Britaninë e Madhe për të frenuar hyrjen e bartësve të variantit të ri të koronavirusit. Vazhdojnë të jenë të ndaluara udhëtimet që nuk janë të domosdoshme, ndërsa të tjerët u nënshtrohen testeve të shpejta.

Edhe Australia ushtron kontrolle me teste të shpejta për të gjithë personat që hyjnë në vend. Ndërsa nga 7 deri më 21 Janar, Izraeli do të qëndrojë në karantinën e tretë kombëtare.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet