E mërkurë, 18 nëntor 2026

Rubrikat

Mbështet Limit.al

Aeroporti i Rinasit arrin rekord sërish, mirëpriti në muajin korrik një numër të lartë pasagjerësh

Aeroporti Ndërkombëtar “Nënë Tereza” në Rinas mirëpriti në muajin korrik një numër të lartë pasagjerësh duke thyer rekorde.

Ministrja e Turizmit dhe Mjedisit, Mirela Kumbaro tha se rreth 1.2 milionë pasagjerë kanë ardhur në këtë aeroport ose 350 mijë më shumë se vitin e kaluar”.

Shifra është ndjeshëm më e lartë krahasuar me të njëjtën periudhë të një viti më parë, duke theksuar edhe njëherë rëndësinë e Shqipërisë si një qendër lidhëse rajonale.

“Aeroporti Nënë Tereza ofron një mirëseardhje të ngrohtë për bashkatdhetarët tanë dhe vizitorët e huaj  e njëkohësisht vazhdon të thyejë rekorde të paimagjinueshme deri pak kohë më parë”, tha Kumbaro.

Në shtatë muajt e parë të vitit shifrat nga TIA tregojnë se janë gati 6 milionë pasagjerë që kanë mbërritur në vend, ndërsa numri i të huajve që kanë vizituar Shqipërinë është rritur me 157% në këtë periudhë.

Krahas rritjes së numrit të pasagjerëve, Aeroporti Ndërkombëtar i Tiranës arriti një moment historik të ri operacional në korrik, duke procesuar 126 fluturime në mbërritje dhe 126 në nisje brenda një dite, duke numëruar gjithsej 252 fluturime – numri më i lartë i regjistruar deri më sot.

Gjatë këtij viti pritet që numri i pasagjerëve të shkojë 8.4 milionë.

Në janar të këtij viti ka nisur puna për zgjerimin e pistës në aeroportin e Rinasit, për të mundësuar fluturime transoqeanike. Parashikohet që në 3-mujorin e parë të vitit 2025 të nisin fluturimet Tiranë – Nju-Jork.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet