“Me premtim për vizat, Kosova humbi 8200 hektarë tokë”

“Se Kosova nuk do ta merr liberalizimin e vizave kushdo që e përcjell politikën e ka ditur. Arsyet janë të shumta, si ato të brendshme, siç është mos funkionalizimi i institucioneve të Republikës (siç është rasti i vjedhjes së një numri të madh të pasaportave biometrike blanko që u bë para disa kohe) apo mos luftimi i korrupsionit dhe krimit të organizuar etj. Apo të arsyeve të jashtme, siç është mos njohja e Kosovës nga disa shtete të Zonës Shengen, frika se kosovarët me shumicë do të dalin për punësim në kohën kur UE ballafaqohet me probleme të saja ekonomike dhe politike etj”, thotë Tali për “Bota sot”.

“Qeveria jonë dhe mediat e shitura tek Qeveria, të gjitha këto i kanë ditur, por megjithatë luanin me ndjenjat e qytetarëve të papunësuar. Madje Liberalizimin e shitnin në opinion edhe si të drejtë punë në UE. Pra të drejtën për turizëm në Zonën Shengen, e opinionit ja paraqisnin edhe si të drejtë në punë në shtetet e Shengenit. Pra, ishte një lojë e poshtër të cilën, veç Thaçi dhe mediat e opinionistë e tij dijnë ta bëjnë. Dhe ata tash heshtin. Fare nuk merren me këtë çështje. Aty këtu disa politikan të paskrupullte japin disa deklarata sa për sy e faqe në stilin “në qershor presim lajme të mira” apo “deri në fund të këtij viti do ta marrim Liberalizmin”, deklaroi ai.