Qeveria gjermane ka vendosur një ulje të përkohshme të taksave mbi benzinën dhe naftën, në përpjekje për të lehtësuar barrën financiare të qytetarëve dhe bizneseve.
Nga 1 tetori deri në fund të vitit 2026, çmimi i karburanteve pritet të ulet me rreth 17 cent për litër. Paketa do t’i kushtojë buxhetit gjerman afërsisht 2.5 miliardë euro.
Qeveria po shqyrton gjithashtu mundësinë e vendosjes së një tavani për çmimet e karburanteve, sipas modeleve që përdoren në Luksemburg dhe Belgjikë. Masat janë kritikuar nga organizatat mjedisore, të cilat kërkojnë investime afatgjata në transportin publik dhe energjinë e pastër.
