Tema e parandalimit të obezitetit në femijëri duhet të merret mjaft seriozisht. Jo vetëm që përqafimi i një stili jetese të shëndetshme mund të shmangë sëmundje serioze fizike, por gjithashtu do te ketë një ndikim pozitiv psikologjik.
Pesë vite më pare Organizata Boterore e Shëndetësisë parashikoi një rritje të ndjeshme të obezitetit tek femijët. Në fakt, parashikohej qe në vitin 2022 numri i femijëve obezë do të tejkalonte ata që janë nën peshë. Gjatë dekadave të fundit, shkalla e obezitetit në mesin e grupmoshave 5-19 vjeç është rritur ndjeshëm.
-Shkaqet e obezitetit në fëmijëri:
Disa persona besojnë se shkaku i fëmijëve obez janë prindërit. Megjithatë ne do të rendisim 10 shkaqe të mbipeshës tek fëmijët.
A janë prindërit shkaktarët e obezitetit në fëmijëri?
Obeziteti pediatrik ndonjëherë mund t’i atribuohet rolit që luajnë prindërit. Për shembull, ata që konsumojnë ushqime të pashëndetshme kanë më shumë gjasa t’i kalojnë këto zakone tek fëmijët e tyre. Kjo është një nga arsyet pse rastet e obezitetit në fëmijëri dhe adoleshencë janë në rritje.
Mungesa e ushtrimeve fizike:
Falë pjesërisht revolucionit dixhital, shumë fëmijë preferojnë të ndërveprojnë me smartphone në vend të eksplorimit të mjedisit të jashtëm. Mungesa e lojërave fizike do të kontribuojë në mënyrë të pashmangshme në obezitet. Kur kombinohet me një dietë të varfër, rreziqet shtohen edhe më shumë.
Ushqimi i shpejtë
Parandalimi i obezitetit tek fëmijët lidhet ngushtë me ushqimin e shpejtë: një opsion i përshtatshëm dhe megjithatë jashtëzakonisht i pashëndetshëm në ditët e sotme. Jo vetëm që ushqimi i shpejtë mund të shkaktojë shtim në peshë, por bashkë me të ndodhin edhe pasoja më të thella afatgjata shëndetësore nëse nuk përqafohen qasjet e duhura.
-Efektet e obezitetit:
Programe të ndryshme të parandalimit të obezitetit në fëmijëri, theksojnë gjithmonë rreziqet shëndetësore që paraqet një menyrë jetese e tillë. Është gjithmonë e nevojshme të shqyrtohen disa nga më të rrezikshmet të cilat janë:
- Rreziqet për shëndetin e obezitetit të fëmijërisë: Disa shqetësime kryesore përfshijnë presionin e lartë të gjakut, një zemër jo të shëndetshme, problemet e qarkullimit të gjakut. Sigurisht, këto rreziqe rriten edhe më shumë ndersa fëmija vazhdon të rritet.Studime të shumta kanë lidhur obezitetin e foshnjeve me uljen e tolerancës ndaj glukozës dhe rezistencës ndaj insulinës. Te dyja këto konsiderohen si pararendëse të diabetit të tipit 2. Ata që bëjnë ndryshime në stilin e jetës në moshë të re do të kenë shumë më pak gjasa të vuajnë nga pasoja të tilla.
- Efektet psikologjike të obezitetit në fëmijëri: Ndikimi psikologjik i shtimit të peshës në fëmijëri mund të jetë po aq i rrezikshëm. Nivelet e ulëta të vetëvleresimit, ndjenja e izolimit dhe paaftësia për të zhvilluar marrëdhenie empatike mund të kenë ndikimin e tyre negativ.
-Cila është zgjidhja për obezitetin tek fëmijët dhe parandalimin e saj?
- Zhvilloni zakone të shëndetshme të të ushqyerit që në moshë të hershme: Një nga mënyrat thelbësore për të luftuar obezitetin në fëmijëri është implementimi i zakoneve të shëndetshme të të ushqyerit në një moshë të re. Duke i zhvilluar këto zakone herët, fëmijët kanë më shumë gjasa të vazhdojnë të hanë siç duhet ndersa rriten.
- Reduktimi i kohës sedentare dhe qëndrimi aktiv: Përveç kujdesit për dietën në obezitetin e fëmijërisë, të qenit aktiv është një nga çelësat për të mbajtur një peshë të shëndetshme. Jo vetëm që aktiviteti fizik do të sigurojë një ditë argëtuese në natyrë, por gjithashtu do të ndihmojë me perfitime të ndryshme shëndetësore.
- Një gjumë i rregullt dhe pushimi: Sa më shumë aktivitet fizik të ketë një fëmijë gjatë ditës, aq më mirë do të flejë natën. Gjumi me orar të rregullt është një tjetër faktor për të luftuar obezitetin në fëmijëri. Më poshtë mund të gjeni një regjim ideal të gjumit për çdo moshë:
3-5 vjeç: 10-13 orë gjumë
6-12 vjeç: 9-12 orë gjumë
13-18 vjeç: 8-10 orë gjumë
Duke biseduar me fëmijët për rëndësinë e ushqyerjes së shëndetshme, për benefitet e aktivitetit fizik, si edhe një gjumi cilesor, ne reduktojmë në maksimum që ata të jenë pre e obezitetit. /dermolife.al /Limit.al
